Sunday, November 4, 2012

ဘာမှမဟုတ်တာတွေကလည်း တစ်ခုခုတော့ဟုတ်နေ မှာ/တာ ပဲ



ကြိုးပေါ်ကြွက်လျှောက်သံလေ

နတ်စောင်းသံလောက်တော့ ဘယ်နားဝင်ချိုလိမ့်မလဲနော

နားလည်ဖို့မလိုဘူး နားလည်ပေးတတ်ဖို့ပဲလိုတယ် (ဆိုလား) 

အလာကြီးပဲ စရိုက်က

စိတ်ဓာတ်လေးကိုပြတယ်

ဆိုတော့ သိရတာပေါ့ 

ဂျပိုးလည်း လိပ်ဖြစ်လို့ရတာပဲ မဟုတ်လား

စကား

ကားကားလေးနဲ့စွင့်စွင့်လေးမှ လွှတ်လှတာ

လှတာ မက်ရင် လှတာလေး နဲ့ ညက်တတ်ပါတယ် chat

check ကြည့်ပါ

ဘာခက်တာမှတ်လို့

ညစာကို မနက်စာနဲ့ပေါင်းမှတ်ထားလိုက်လို့လည်းဖြစ်တာပဲ ၀မ်းစာ

တစ်ထွာတစ်မိုက်ကလေးနဲ့ လာ လာ မတိုင်းချင်စမ်းပါနဲ့ ဆို

ပြီး ဘယ်လို ရာဇ၀င်တွေရိုင်းကုန်ပြီ ဟုတ်လား ခက်ပြီ

ဘယ်မှာရိုင်းလို့လဲ  ယဉ်ယဉ်လေးပဲရူးနေတာ လွမ်းနာ

အလွမ်းကြောင့်နာရတာလား လွမ်းပြီးရင် နာရမှာလား

မေးခွန်းကမပြတ်သားလို့ ဆေးမတိုးတော့ဘူး ( တဲ့ )

သူက

သွားတော့မှာလေ  မုန်းမုန်းမေ့မေ့

တငွေ့ငွေ့လောင်တဲ့မီးပဲ တရွေ့ရွေ့ပွားတယ် (ဆိုသကိုး)

အေ့ ဂေ့ ဟေ့ ငါ့ပုလင်းကိုဘယ်ကောင်လာမီးညှိသွားတာလဲ

ပူတယ် ရန်ကုန်ဆောင်းက မအေးဘူး ဆိုတာ

သေချာသွားပြီ  သေချာပါတယ်

ဘယ်သူမှမရှိလဲဖြစ်တယ်လို့  သွေးရိုးသားရိုး အလိမ်ရဲလိုက်ပုံမှာ

စကား

လွှတ်လှ  ။      ။

Wednesday, October 31, 2012

သည်ဇာတ်လမ်းမှာ ငါတို့တွေ ကစဉ့်ကလျား




ငါတို့

ထိုးတက်ကြမယ့်အမြင့်မှာ

အမိုးထူထူတွေနဲ့ ။


ငါတို့

ဆန့်ထုတ်ကြမယ့်လမ်းတစ်လျှောက်မှာ

နံရံထူထူတွေနဲ့ ။


ငါတို့

လွတ်လပ်မှုက

တစ်ကိုယ်ရည်အခန်းကျဉ်းကျဉ်းလေးထဲမှာ ။


ငါတို့က

ငါတို့မမွှေးတဲ့သမိုင်းရဲ့

ဝဋ်နာ ၊ ကံနာ ၊ နာစရာအထပ်ထပ်နဲ့

ခေတ်ရဲ့သားကောင် ။


ငါတို့ရေးမယ့်သမိုင်းဟာ

လွန်လေပြီးသော ဘာသာစကားတို့ကြား

အကျဉ်းကျ ။


ငါတို့

ရင်ပရ၀ုဏ်အတွင်းကသံစဉ်များစွာ

တစ်    ဆို့    ဆွံ့    အ  ။


ငါတို့မှာ

ငါတို့နားမလည်နိုင်ခြင်းများစွာ ။


တကယ်တော့

သည်နွေဦးကို ငါတို့မပျိုးခဲ့ကြဘူး ဆို

ပြီးတော့ သည်နွေဦးဟာ ငါတို့ကို ၀ါးမြိုခဲ့လေတယ် ။

Saturday, October 27, 2012

ဝေဒနာပြခန်း



လေ….

ငါ့ဆီကို သယ်ဆောင်လာတယ်။ ငါ့ဆီက သယ်ဆောင်သွားတယ်။

အဖြစ်သနစ်တို့ မစုံလင်သေးသရွေ့ အာရုံငါးပါးဟာ အတ္တရဲ့ ခိုလှုံရာ အလယ်

ကြယ်ပန်းတွေကို ခူးပေး မေမေ … ချစ်ခြင်းမှာ တမေ့တမောနဲ့ မောလျ

ရောချလိုက်ရတာ အားနာမှုတွေနဲ့ .. ဒီတစ်ခါဆို လမစေ့ဘဲ ခံစားချက်တွေ

သားလျှောတာ အခါခါ…

ဟေ့ ကြယ်တွေ  သွေးရိုးသားရိုး လင်းလက်ပေး ။

အဆိုးဝါးဆုံးအခြေအနေကို လွန်မြောက်ပြီးချိန်ဟုဆိုရာတွင်

အလားတူကြေကွဲခြင်းမျိုး ထပ်တွေ့ရဦးမလား

နက်ဖြန်ခါဟာ မလွတ်လပ်သေးဘူး  ဒီနေ့လို သူတို့

စကားတွေအများကြီးပြောခဲ့ကြဖူး ငါတို့

ဝေဒနာကြားက ရယ်ကြရဖူး တငွေ့ငွေ့  တရွေ့ရွေ့

ပြက်လုံးတွေဟာ ဆယ်စုနှစ်မှ ရာစုနှစ်သို့ ရွေ့ကြပါလေပြီ ။

ကုန်လွန်ခြင်း အဆုံးမှာ ငါဟာ ဇာတ်လမ်းမဲ့နေတဲ့ နိဒါန်း

အစပျိုး ယုံကြည်မှုတွေဟာ မြေသြဇာ မကောင်းခဲ့ဘူး

သံသရာဟာ ဒီလောက်နဲ့ ရှတတ .. ပြသဖို့ လိုအပ်ခြင်း ….. (အလွဲ)

ခံစားမှုတွေကို ပွတ်သပ်ကြည့် … စကားတွေမှာ ငလျင်စကေးနဲ့ မိုးရေချိန်လက်မတို့

ပျံသန်း … ကောင်းကင်ဟာ မိုးတိမ်ကို ထမ်းပြန်ခဲ့တဲ့လမ်း

အိမ်တစ်လုံးက အမိုးမဲ့နေခဲ့တယ် … လွမ်း

ဇူလိုင်ရေ ငါတို့ရပ်နေတာ ဖုန်းဆိုးမြေလား

ငပုတ် ခံတွင်းက လ ကို ပြန်ယူနိုင်ခွင့်မရှိတော့ပြီလား

ငါတို့ကံတရားက ဘယ်လိုအမှားမျိုးမို့  အမှောင်ဟာ သွေးမတိတ်နိုင်ဖြစ်နေရတာလဲ

အသွေး ၊ အသား ၊ ၀ိဥာဉ် ၊ လက်ဖျံရိုးအစင်းစင်း ပစ်ထည့်ခဲ့တာတောင်

ငါတို့ စိုက်ခင်းမှာ ငြိမ်းချမ်းပန်းဟာ မြုံခဲ့ရ ။ မှိုင်းညှို့နေတုန်းပဲလား ဇူလိုင်

မှိုင်းညှို့နေတုန်းပဲ ။  လွဲပြီးမှ မတည့်ပြန်တဲ့ အလွဲတွေပဲ အစွဲ

“ခင်ဗျားအဖေပြောခဲ့တဲ့ ခင်ဗျားဟာ ခင်ဗျားအဖေကို ကိုယ်စားမပြုတော့ဘူး”

သေရာပါခြင်းခြေလှမ်းကို အလှမ်း အရိပ်က ခေတ်နောက်ပြန်ဆွဲဖို့ မတားဘူး

ရူးသွားခဲ့တယ် …

ဟေး ငါတို့ လရောင်ပြန်ပေးပါ ။ ငါတို့ အလင်းပြန်ပေး ။

အသံ အသံ တွေ အသံတွေဟာ အက်ကွဲပြတ်ကျ သွားရုံထက်

ပိုမလာနိုင်ခဲ့တာ ၊ ရုပ်သံ သတင်းစာ ရေဒီယို အို အားလုံးပဲ

ဆက်သွယ်မှုရေးရာအဖြာဖြာ  မှာ  ငါတို့က အသံကိုလက်ခံသူသက်သက်ထက်

ပိုမလာနိုင်ခဲ့တာ (ကြေကွဲ) ဒုတ္ခကို နောက်ဒုတ္ခနဲ့ပေါက်ပြီး သောကကို

နောက်သောကနဲ့ကျားကန်ပြီး  ဘ၀တွေ အထက်သွားနဲ့အောက်သွားကို

တကျိကျိမြည်အောင် ကျိတ်ခွဲလို့

ဟေး ငါတို့ လရောင်ပြန်ပေးပါ ။ ငါတို့အလင်းပြန်ပေး ။

အသံ အသံတွေ အသံတွေဟာ တဖြတ်နဲ့ တဖြတ်ကြား အရှိန်မြင့်မြင့်လာ ။

ပန်းတိုင်ဟာ … တိုင်တွေနောက်ကွယ်မှာ ပန်းတွေပွင့်လို့

အမှားကို အာရုံပြုလို့ စကားကို မျက်ကွယ်ပြု ။ ဆု

ငါ(တို့)တောင်းလိုက်တယ် မနက်ဖန်ခါတိုင်း …….

                                                                                     ရင်နင့်အောင် ၊  ဇင်မျိုး


Thursday, October 25, 2012

ရာသီလွန်ပန်းတစ်ပွင့်၏သံဝေဂ




(၁)

ဖြစ်ပြီးရင်ပျက်ရတယ်ပဲဆိုပါစို့...

အပျက်တရားနဲ့ဖူးပွင့်လာခဲ့တဲ့ ဧည့်သည်
ကျနော် ရှင်သန်တယ်
ထို့ကြောင့်...ကျနော်ရှိတယ်..။
ကျနော်ရှိတယ်။
ထို့ကြောင့် ...ကျနော်ရှင်သန်တယ် ။
ရှင်သန်ခြင်းအပိုင်းအစများကို
ဝါဒီနှစ်ခုကြား ချကျွေးရင်း တွေးရင်း ငေးရင်း
ဘာတစ်ခုမှ ဟုတ်တိပတ်တိမလုပ်ဖြစ်ခဲ့ဘူး ။
ဝေးခဲ့ပြီ ဝေးသွားခဲ့ပြီ
လူဖြစ်ရခြင်း၏အဓိပ္ပါယ်ဘယ်ဆီမှာ...


(၂) 




ဒါဟာ ရှောင်လွှဲမရနိုင်ဘူးပဲဆိုပါစို့...
စိုက်ပျိုးခဲ့သမျှ ရိတ်သိမ်းရတော့မည့်အချိန်
တောင်စွယ်မှာနေကွယ်လုပြီ ။
မရဏအနမ်း ထွေးပွေ့လာမှ
ဘ၀ကို တကူးတက ပြန်ဖတ်မိတယ် ။
နှောင်းလူတို့...ဆွတ်ယူစားသုံးစရာ
ငါ့ဥယ်ာဥ္မွာ သစ္သီး မသီးခဲ့ဘူး...
လက်ညှိုးထိုးညွှန်းပြစရာ ဘာတစ်ခုမှမကျန်ခဲ့ဘူး...
ငါ့ကိုခွင့်လွှတ်ပါ...ငါ့ကိုခွင့်လွှတ်ကြပါလေ...


(၃)

အမှားသည် အမှားတွေထဲကအမှားတစ်ခုပဲဆိုပါစို့...
ငါသည် အမှားလက္ခဏာများ၏သင်္ကေတ
ငါသည် အမှားလက္ခဏာများ၏ပုံရိပ်
ငါသည်အမှားလက္ခဏာများ၏မီးရှူးတန်ဆောင်
တစ်ကိုယ်ရည်လမ်းကျဉ်းကလေးသာ/အတ္တကလေးသာ
လူမွေးလူရောင်ပြောင်ခဲ့ရ...
ဘ၀မှာ အမှားကို အမှားနဲ့ဖာထေးရင်း
မှန်သယောင်ယောင်ဆောင်ခဲ့မိတာ/ထင်ခဲ့မိတာ အကြိမ်ကြိမ် အခါခါ
လူဆိုတာ အမှားနဲ့မကင်းနိုင်ဘူးဆိုပေမယ့်
ဘ၀ကို ဘ၀နဲ့ချီပြီး မှားခဲ့မိတဲ့နောက်တော့
မီးဇာကုန်၍ှချုပ်ငြိမ်းရတော့မည့်နောက်တော့
လူဖြစ်ရခြင်း၏အဓိပ္ပါယ်ဘယ်ဆီမှာ...


(၄)

ဒါတွေဟာ ဖြစ်တတ်ကြတယ်ပဲဆိုပါစို့...
ငါ့ကိုနားလည်ပေးပါ။
ငါ့ကိုခွင့်လွှတ်ကြပါ။
ဆန္ဒလေးတစ်ခု တောင်းဆိုခဲ့ပါရစေ...
ငါ့အတွက်တော့ မျက်ရည်မကျကြပါစေနဲ့...
ဘယ်သူတစ်ဦးတစ်ယောက်မှ ငါ့အတွက်မျက်ရည်မကျပါနဲ့
တစ်ပါးသူအတွက် မျက်ရည်ဟူသည်
ဝမ်းနည်းခြင်းကို ကိုယ်စားပြုသော
ကိုယ်ချင်းစာတရားကို ကိုယ်စားပြုသော
လူတော်လူကောင်းများဆုံးရှုံးရခြင်းအပေါ် တမ်းတခြင်းကို ကိုယ်စားပြုသော
အထက်တန်းကျသည့် ရေ ။
ဒါတွေငါနဲ့မတန်ပါလေ ။


(၅)

အစနဲ့အဆုံးရဲ့ပဋိပက္ခမှာ
နိဂုံးချုပ်ခြင်းနဲ့လွတ်မြောက်ခြင်းရဲ့ သံဝေဂမှာ
အစဉ်အလာတွေဘယ်လိုရှိရှိ
မခမ်းနားသောညသည်
အလင်္ကာမဲ့သောကဗျာတစ်ပုဒ်လို
အဖတ်ဆည်စရာစကားလုံး
ကြွေကျ...မြေခ...ကြေမွ..သွားခဲ့ရတဲ့နောက်
မခံချိမခံသာအပြုံးလေးပဲလက်ဆုပ်လက်ကိုင်ပြနိုင်ခဲ့ရတယ်...
နစ်မြုပ်ခဲ့ရပုံက ရင်နင့်စရာ ။


(၆)

ယှက်နွယ်ခဲ့သမျှ
စုတ်...ပြတ်...စို့...နင့်...
ခြေပစ်လက်ပစ်စာမျက်နှာများဆီ
အစွမ်းကုန်လောင်မြိုက်ပြီးမှ
ဘ၀ရဲ့ရေတိမ်ရေနက်ကိုသိခဲ့ရတယ်။
လူဖြစ်ရခြင်း၏အဓိပ္ပါယ် ဘယ်ဆီမှာ....



Wednesday, October 24, 2012

ဒွိဟ


အလင်း မစို့တပို့

အမှောင် မကွဲတကွဲမို့

ညီအစ်ကို မောင်နှမမှန်း မသိတသိ

တကယ့်ကို

ကိုယ်တို့က ညီအစ်ကို မောင်နှမတွေလား မသိတသိ

ဟေး

ဟိုးရှေ့မှာ ဘယ်သူတွေလဲ ဘာတွေလဲ

ဘာ / ဘယ်လို တွေ လုပ်နေကြတာလဲ မသဲကွဲ

အရုဏ်ဦးလား နေကွယ်ချိန်လား

ကိုယ့်မှာ

မျက်စေ့ကို မျက်ခြေမပြတ်

ပွတ်သပ်ပေးနေရပေါ့ ။          ။