Wednesday, October 31, 2012

သည်ဇာတ်လမ်းမှာ ငါတို့တွေ ကစဉ့်ကလျား




ငါတို့

ထိုးတက်ကြမယ့်အမြင့်မှာ

အမိုးထူထူတွေနဲ့ ။


ငါတို့

ဆန့်ထုတ်ကြမယ့်လမ်းတစ်လျှောက်မှာ

နံရံထူထူတွေနဲ့ ။


ငါတို့

လွတ်လပ်မှုက

တစ်ကိုယ်ရည်အခန်းကျဉ်းကျဉ်းလေးထဲမှာ ။


ငါတို့က

ငါတို့မမွှေးတဲ့သမိုင်းရဲ့

ဝဋ်နာ ၊ ကံနာ ၊ နာစရာအထပ်ထပ်နဲ့

ခေတ်ရဲ့သားကောင် ။


ငါတို့ရေးမယ့်သမိုင်းဟာ

လွန်လေပြီးသော ဘာသာစကားတို့ကြား

အကျဉ်းကျ ။


ငါတို့

ရင်ပရ၀ုဏ်အတွင်းကသံစဉ်များစွာ

တစ်    ဆို့    ဆွံ့    အ  ။


ငါတို့မှာ

ငါတို့နားမလည်နိုင်ခြင်းများစွာ ။


တကယ်တော့

သည်နွေဦးကို ငါတို့မပျိုးခဲ့ကြဘူး ဆို

ပြီးတော့ သည်နွေဦးဟာ ငါတို့ကို ၀ါးမြိုခဲ့လေတယ် ။

Posted by at
Labels:

1 comment:

Subscribe to: Post Comments (Atom)