လောင်ကျွမ်းခြင်းမှာလည်း အလင်းနဲ့
ဆိုတော့
တစ်လှမ်းချင်း မှားယွင်းခဲ့ပုံ
ပြန်မကြည့်ရဲဘူး
သွေးသံတရဲရဲ ညနေခင်းတိုင်းကို ကြောက်တယ်
ချွေးသံတရွှဲရွှဲ နေ့ရက်တိုင်းကို ကြောက်တယ်
လွမ်းမောစရာအဖြစ်သာ ထုတ်ပိုးလိုက်ရ တဲ့/မယ့်
အပျော်တွေကို ကြောက်တယ်
ကိုယ့်အကြောက်တရားကိုလည်း ကြောက်တယ် ။ ဆိုးတာပဲ ။
ဘ၀မှာ
ကိုယ့်ကိုခုတ်ထစ်ခဲ့ကြသလို
ကိုယ်ကလည်း ခုတ်ထစ်ပစ်ခဲ့ဖူး
ပျံသန်းခဲ့ရာ
ရာသီတွေကို စစ်ချကြည့်ဖြစ်တော့
ဘ၀ဟာ အမှောင်ပဲ
ပစ်ခွင်းလိုက်သမျှကလည်း
အနှောင်အဖွဲ့အဖြစ်သာ နစ်မြုပ်ခဲ့ရ
အဲ့သမှာ
ရုန်းရင်း ကန်ရင်း တွေဝေ ။
ငြိမ်းချမ်းခြင်းဟာ ကိုယ်နဲ့ အဝေးဆုံးရဲ့အဝေးမှာ
ဒါကို
တွေဝေမိန်းမောရင်း လုံးထွေးသတ်ပုတ်ရင်း
အနာအဆာတွေသာ အဖတ်တင်ခဲ့ရ
ဒါဟာ
လောကဓံပဲလို့ ဖြေတယ် ။ မပြေဘူး ။
ကိလေသာကို စာလုံးပေါင်းချဖြစ်တိုင်းလည်း အလွဲ
တစ်လမ်းချင်းထဲ
ကိုယ့်အပူလောက် ဘယ်မီးမှ ပိုမိုမခမ်းနားနိုင်တာ သိခဲ့
ကိုယ့်ဥယျာဉ်ထဲ
ကိုယ်ပျိုးခဲ့သမျှတွေနဲ့အတူ
ကိုယ်မပျိုးတာတွေလည်း အလေ့ကျ ပေါက်တတ်တာ သိခဲ့
ထွေရာလေးပါးအရိုင်းပန်းတွေကို သိခဲ့
အသိဟာ အသိထက်ပိုမလာနိုင်ခဲ့တာလည်း သိခဲ့
ကိုယ့်ဖတ်စာကိုယ်ပြန်ဖတ်ဖြစ်တိုင်း
ကိုယ့်အရိပ်က ကိုယ့်စိတ်ကို သတ်တယ် ။ သေရတာပဲ ။
အကြိမ်ကြိမ် အံကြိတ်ပြန်ထခဲ့တာတွေ
နောက်တစ်ကြိမ်ထပ်သေဖို့အတွက်လား
မသေချာဘူး လူ့အဖြစ်မှာ
နောင်တတွေကိုရိတ်ချလိုက်တော့
နောင်တတွေသာပြန်ပေါက်လာ ။
ကိုယ့်အတ္တက
ကိုယ့်အသက်ထက်နှာတစ်ဖျားသာနေတာချည်းပဲ ။ ခက်တယ် ။
မလွယ်ဘူး ကိုယ်ဟာ ကိုယ့်သေတွင်းကလွတ်မြောက်ဖို့
ကိုယ့်မာတိကာကို မြှုပ်နှံဖို့
သံသရာဘယ်နှစ်ပတ်လည်ပေးရဦးမှာလဲ တွေဝေ ။
မိုက်စ်
ReplyDelete